"網絡不如你所想的安全." 有人說.
ck老闆前一天才在730上談到, 自己因為看了求職者的blog而決定不聘請該人, 因此也得出同一個結論:網絡並不安全.
恕難苟同.
安全與否, 存乎一心.
這兒所載一言一行一舉一動, 由心而出, 並無虛言. 我所謂並無虛言者, 重點來說, 是有不盡卻沒有不實. 不想為人知的事, 永遠, 我懂得把它們留在兩耳間那最偉大的器官內.
任何一個行頭的人, 假如越做越大越做越好, 一天變成李嘉誠黎智英施永青劉德華周星馳甚至陳方安生等等, 會有人不認識? 她他給別人知道的行狀, 會比你我少? 你是怎樣的人, 就會給人認識到怎樣的你. 出名的如是, 平凡的如是. 她他的機會成本較我們高, 但還是不時在報上書上透露自己的生活,.圖文並茂.
事實上, 我是幸福的人, 即使你看我平凡, 但我有衝勁有原則地生活, 以自己為榮.
尚算聰明尚算善良, 有充份能力表達自己, 有足夠關愛觀察他人; ,早已學懂愛人, 也得到愛我的人; 得到能展示所長的工作, 收穫到合理的報酬.
正因我是如此豐足, 才有餘裕吐出"與其委曲求存, 不如怒火燎原"之語. 任何人在網上讀到我, 可以對我有任何評價, 那是他們的事. 我依然喜歡自己, 愛我的人, 肯定會繼續愛我.
protential or prospective 老闆要是讀了, 決定放棄聘用我, 也很好. 省得日後來互生厭惡之感.
這份工作會繼續下去, 我知自己克服得來; 真的幹不成, 當然也不會怪責自己.
我是很容易感覺良好的快樂的阿Q.
七十曾說:"我並不堅毅，我只是，聰慧。" 我欣賞她.
但容我更大膽地說:"我, 怒火眼睛, 不只是聰慧."
19 意見:
嘻，最後一句正。
火火:
依篇夠僵又夠串，拍手！
個人認為，物以類聚，什麼樣的blog，就吸引到什麼樣的reader。我諗呢到大部分讀者就係善良既，雖然都係個句，防人之心不可無，防的意思，係提防你的同事/上司失驚無神撞左入黎。
出名的blogger 某程度是 celebrity，存在千千百百個網民心中， in the public spotlight，除非真係鍾意出街被人認出，否則網上的"匿名"制度正好給予我們最大安全感
P.S 點樣最上幾篇文章的風格和以前咁唔同既??? 直情轉左style, 認唔出係怒媽寫既
同意啊。如果CK因為看了公園仔的BLOG而不打算聘用公園仔，又或者有大茶飯無預埋公園仔一份，實在是件最好不過的事了。
講安全：
網絡真係唔安全架，起底太容易。垃圾的本地腦誌都教人爆人account 啦，你估匿名同唔貼相就得！？
講私隱：
當初blog 興起其中之一個原因是人想有個位發洩晒所有情緒，可以比網下中暴露更多，可惜就是不知道what they said yesterday will come after them，不過話說回來Blog 好睇其中一個原因都係d 人寫野夠真同隱蔽嗟。
講招聘：
話實雖然有人因為個blog 而不被獲聘，但在硬幣的另一面，有些人卻因為blog 而獲利益，例如一枝免費的綠茶 / 出書 / 邀稿。所以都唔差得晒嘅。
火火：
唔，我估，我同妳都一樣，網誌是否影響工作，我都唔係太在意。
只係擔心，有我不喜歡的人到過，拿我的弱點做把柄。
而且，我真的一點也不堅毅。
＞怒火眼睛, 不只是聰慧.
哈哈！好！
(拍爛手掌)
我覺得最正就是尾五那句：「protential or prospective 老闆要是讀了, 決定放棄聘用我, 也很好. 省得日後來互生厭惡之感.」
請人、求職是雙向的，就正如女嫁男娶，冇話剩係邊個揀邊個。大家看清楚才下決定，是個省大家時間，對雙方都公平的做法，免得要搞到變成「因誤會而結合，因了解而分手」。
又，現在很多大公司如 Yahoo 和 Google 真的去看 candidates 的 blog / Second Life 來了解那他/她的「真我」。而他們亦有用 corporate blog 來宣傳「真我」。簡單來說，大家都覺得 blog/virtual 的 ID 是比較真實吧！事實呢？可能就好像廿年前說公司邀你到餐廳做面試，也想看看你 relax 時的「真我」。但時至今日，我們已學懂了怎樣去對待這些「Interview Lunch」的 tactics。Blogging 再成熟一點時，也會變成一項 tactic，就像人們怎樣對待衣裝、談吐一樣。
怒火，我十分喜歡你這篇文章，好有性格同氣質呀！
我都好希望有日可以搵到自己！
readandeat, 噢, 一句正only? 照殺勒.
三劃: 有冇令你驚驚先.
selina: 我前上司應讀過, 無所謂既. 至於風格大變...或者係我岩岩轉工, 心理唔係好平衝, 哈哈.
公園仔:令自己立體d鮮明d咪幾好, 解釋都慳番.
nikita: 完全同意.
惡女:你係媒界中人, 更加知道當中利弊勒. 至於堅毅呢, 日子有功之下, 我信人人都得. 當然, 呢樣野, 一帆風順既人未必體會到, 但唔一帆風順都好正常je.
易亦:拍多幾下, 俾d 哨子聲添丫.
五師兄: 同意呀同意呀.
郡主: 係喎, 你都新工呀, 大家好運!!
句句都正啊
最中意"我, 怒火眼睛, 不只是聰慧."
嘩嘩嘩
串得來好有氣勢，又令人信服。
怒火：
點出全文精粹，仲唔正﹗？正到痺啦。
可以因為你個blog唔請您，亦可以因為個blog決定一定請您。
係內容問題，水準問題，雙方配唔配合問題，唔係blog呢個format問題。成日話"求"職，戰後等開飯年代乎！呢個年代，要"求"都唔洗恨，要"求"，人地想點你都要跪地架啦，咁返過來都無咩好避忌
>可以因為你個blog唔請您，亦可以因為個blog決定一定請您。
所以如果我知道一個candidate有寫blog的話, 除了留意對方在interview時的表現, 亦會睇佢的blog, 是否表裡不一。
怒火媽媽, 這份工作是否令你感到很累心呢?
作為過來人, 我會建議你在試用期間是否適應新工作和機構, 否則"長痛不如短痛", 免得身心都出毛病。
我試過, 那種磨人的感覺不好受。
我只是有點火, 也不算堅毅。
Be consistent with 你的一心一意就掂囉。
我早前請了一個女的,
請前曾粗略地看過其blog,
請後反而決定不再去看..
ABBY:對啊,我想每個老闆/伙記對這事也有不同看法罷. 如其猜度別人心思, 都是做好自己為上.
c.m.:謝謝關心啊,你會生氣嗎? 但我真的不是違心之人啊.
karen: 堅毅呢,唔駛下下拎出黎用就最好啦.旁下身啫.
pk_:對啊. 兩相情願.
readandeat:我好似逼你讚我咁
hana:謝謝,我知你的提點也有道理.
喵:你既外在美實在太迷人,令人忽視你既內在美,呢個我都鄧你唔抵唔公平架.
生氣？
咳咳，根據閣下掛號的排名，那你大概需要十萬八千年才會令我生氣。
既然consistent，就好了。
張貼意見